Reading Time: 2 minutes

आमचे सर्व लेख व व्हिडिओ मिळवण्यासाठी फॉलो करा : फेसबुक|इंस्टाग्राम|युट्यूब

===

मारिया रुईस ही एक महिला आहे जी स्पेनची रहिवासी आहे, परंतु तिने असे कार्य केले आहे की, आज प्रत्येक भारतीय त्यांच्याबद्दल जाणून घेऊ इच्छित आहे. मारियाने काही दिवसांपूर्वीच उत्तर प्रदेशमधील संपूर्णानंद संस्कृत विद्यापीठातून संस्कृतमध्ये अव्वल स्थान मिळवत सुवर्णपदक जिंकले आहे आणि तिच्या या कामगिरीमुळे तिला खूप आनंद झाला आहे. या मारिया रुईस आणि तिच्या सुवर्ण पदकाबद्दल सविस्तर माहिती जाणून घेऊया.

संस्कृत

सुवर्णपदक मिळविणारी एकमेव महिला

संपूर्णानंद विद्यापीठाच्या 38 व्या दीक्षांत समारंभात मारिया रुईस सुवर्णपदकाने सन्मानित होणारी एकमेव महिला आहे.  राज्य राज्यपाल आनंदीबेन पटेल यांनी प्रमाणपत्र देऊन मारिया यांना सुवर्णपदकही प्रदान केले. हा सन्मान मिळाल्यानंतर आणि संस्कृतबद्दलचे प्रेम व्यक्त करत तिने एका मुलाखतीत सांगितले की, तिचे भविष्य या विषयात दिसते आहे, म्हणून ती या विषयात आता पीएचडी करणार आहे.

इतर भाषा देखील बोलता येतात.

सुरुवातीपासूनच मारियाला विविध भाषेच्या ज्ञानात रस होता.  मारिया इतर भाषांसह स्पॅनिश खूप चांगल्या प्रकारे बोलते आणि लिहिते. तिला संस्कृत व्यतिरिक्त हिंदी, जर्मन, इटालियन आणि इंग्रजी भाषांचे चांगले ज्ञान आहे.

संस्कृत

मारिया 2012 मध्ये भारतात आली होती. 

दरवर्षी हजारो विदेशी विद्यार्थी विद्यापीठात अभ्यास करण्यासाठी येतात. विद्यापीठात संस्कृत सोडून फ्रेंच, जर्मन, नेपाळी, तिबेटियन रशियन इत्यादी भाषांचे ज्ञानही दिले जाते. मारियासुद्धा 2012 च्या सुमारास काशीहून संस्कृत विषयांचा अभ्यास करण्यासाठी येथे आली होती. एका विदेशी महिलेने भारतात येऊन संस्कृत सारख्या विषयात सुवर्णपदक मिळविल्याबद्दल मारियाचे सर्वत्र कौतुक होत आहे. तिच्या जिज्ञासू वृत्तीला सलाम करत आहेत.

===

आमचे ईतर लेख वाचण्यासाठी क्लिक करा : फेसबुक |युट्यूब| Copyright© yuvakatta.com | All Rights Reserved

हा शेतकरी १२ वर्षापासून बळीराजाला उधारीवर कांद्याचे बी देतोय….!

LEAVE A REPLY

Please enter your comment!
Please enter your name here