Reading Time: 2 minutes

आमचे सर्व लेख व व्हिडिओ मिळवण्यासाठी फॉलो करा : फेसबुक|इंस्टाग्राम

==

भारताच्या 19 वर्षांखालील विश्वचषक विजेत्या संघाचा ‘हा’ स्टार खेळाडू खेळणार सीपीएलमध्ये


आयपीएल 2021 पूर्वी क्रिकेट चाहत्यांना कॅरेबियन प्रीमियर लीग (सीपीएल) पाहण्याचा थरार मिळेल.  टी -20 वर्ल्ड कपपूर्वी सीपीएल 2021 चे आयोजन केले जाईल.  सीपीएल येत्या 28 ऑगस्टपासून सुरू होणार असून अंतिम सामना 19 सप्टेंबरला होणार आहे. सीपीएलच्या वेस्ट इंडीजचा संघ दक्षिण आफ्रिका, ऑस्ट्रेलिया आणि पाकिस्तानविरुद्ध 15 आंतरराष्ट्रीय टी -20 सामने खेळणार आहे.

समित पटेल

 

यावेळी सीपीएलचा स्फोटक फलंदाज ख्रिस गेलही परतला आहे. याशिवाय शकीब अल हसन, फाफ डू प्लेसी, ख्रिस मॉरिस आणि इम्रान ताहिर हे मोठे परदेशी स्टारही खेळताना दिसतील. भारताच्या 19 वर्षांखालील विश्वचषक विजेत्या संघाचा सदस्य असलेला समित पटेल यावेळी सीपीएलमध्ये बार्बाडोस ट्रायडर्सकडून खेळताना दिसणार आहे.

समित पटेल हा सीपीएलमधील एकमेव भारतीय खेळाडू आहे. समित पटेल 2012 4च्या 19 वर्षांखालील विश्वचषक भारतीय संघाचा सदस्य होता. पटेलने अंतिम सामन्यात नाबाद 62 धावा फटकावल्या आणि कर्णधार उन्मुक्त चंद याच्याबरोबर शतकी भागीदारी केली, ज्यामुळे भारताने ऑस्ट्रेलियाला सहा गडी राखून पराभूत केले.

समीत पटेल

स्थानिक क्रिकेटमध्ये समीत पटेल गुजरात, गोवा, त्रिपुरा आणि बडोदाकडून खेळला आहे. यावर्षी बडोद्याच्या वतीने पटेल यांनी सय्यद मुश्ताक अली ट्रॉफीमध्येही भाग घेतला होता. 28 वर्षीय पटेलने 28 टी -20 सामन्यात चार अर्धशतकांच्या मदतीने 708 धावा केल्या आहेत. याशिवाय पटेलने 24 बळीही घेतले आहेत.

समित पटेल

 

सीपीएल 2021 मध्ये 101 खेळाडू खेळणार

सीपीएल 2021 मध्ये 33 सामने खेळले जातील आणि सर्व सामने सेंट किट्स आणि नेव्हिसमधील वॉर्नर पार्क येथे खेळले जातील. सीपीएलच्या सहा संघांनी त्यांच्या खेळाडूंची यादी जाहीर केली. या वेळी या स्पर्धेत 101 खेळाडू खेळताना दिसतील. काही महिन्यांपूर्वी आंतरराष्ट्रीय क्रिकेटमधून निवृत्ती घेतलेला पाकिस्तानचा वेगवान गोलंदाज मोहम्मद अमीर पहिल्यांदा सीपीएलमध्ये भाग घेईल.

===

आमचे ईतर लेख वाचण्यासाठी क्लिक करा : फेसबुक|इंस्टाग्राम| Copyright© yuvakatta.com | All Rights Reserved.

हे पण अवश्य वाचा :

कांगारू खेळाडूंना वाटू लागली कोरोनाची भीती: ‘या’ खेळाडूंनी घेतली आयपीएलमधून माघार

LEAVE A REPLY

Please enter your comment!
Please enter your name here