Reading Time: 2 minutes

आमचे सर्व लेख व व्हिडिओ मिळवण्यासाठी फॉलो करा : फेसबुक|इंस्टाग्राम|युट्यूब

===

तेव्हा राशिद पटेल आपल्या सहकारी खेळाडूला मारण्यासाठी स्टम्प घेऊन मैदानावर धावत सुटला होता!


 

क्रिकेट हा क्रीडा जगातील सर्वात सभ्य खेळ म्हणून गणला जातो. आतापर्यंत बरेच सज्जन खेळाडू क्रिकेटच्या इतिहासात पाहिले गेले आहेत. परंतु कधीकधी या सभ्य खेळात अशा घटना घडतात, ज्यामुळे या खेळास सज्जनांचा खेळ म्हणायला संकोच वाटतो.

सध्या मैदानावरील खेळ भावनेच्याविरूद्ध अनेक घटना घडताना दिसणे सामान्य आहे, परंतु काही वर्षांपूर्वी आपल्याच सहकारी खेळाडूविरुद्ध मैदानावर असे वागला की, ज्यामुळे अनेकांचे मन दुखावले गेले. भारतीय क्रिकेट संघाच्या एका माजी खेळाडूने स्थानिक क्रिकेट दरम्यान एका भारतीय खेळाडू विरूध्द असे वागला की, ज्यामुळे त्या खेळाडूच्या विरोधात विरोधी वातावरण निर्माण झाले. त्याने स्टम्प उचलून आपल्या सहकारी खेळाडूला मारण्यासाठी अंगावर धावून गेला.

राशिद पटेल

होय… असेच काहीसे भारतीय क्रिकेट संघाचे माजी खेळाडू राशिद पटेल यांनी केले होते. आज आपल्याला रशीद पटेल यांच्या या घटनेची आठवण करतोय कारण त्यांचा जन्म याच दिवशी झाला होता. राशिद पटेल यांचा जन्म १ जून 1964 रोजी गुजरातच्या सांबरकांठा येथे झाला.

राशिद पटेल यांच्याविषयी सांगायचे झाले तर, त्यांनी भारतीय क्रिकेट संघासाठी जास्त खेळू शकलेला नाही. त्यांनी फक्त 1 कसोटी सामना खेळला आहे. त्या सामन्यात त्यांना कोणतीही विकेट मिळाली नाही, त्यानंतर त्याला कधीही संधी मिळाली नाही. या माजी भारतीय गोलंदाजाने कोणतीही ओळख निर्माण केली नाही, परंतु अशी कामगिरी करुन त्याने आपली ओळख निर्माण केली, जी या गेममध्ये कधीही योग्य मानली जाऊ शकत नाही. ही गोष्ट 1990-91 सालची आहे. जेथे उत्तर विभाग आणि पश्चिम विभाग यांच्यात दुलीप ट्रॉफीचा अंतिम सामना खेळला जात होता.

या सामन्यात उत्तर विभागाने रमण लांबाच्या 180 धावा, मनोज प्रभाकरच्या 143 धावा आणि कपिल देवच्या 119 धावांच्या मदतीने 9 विकेट्सवर 729 धावा केल्या.  यानंतर वेस्टझोननेही चांगला खेळ केला. रवि शास्त्रीच्या 152 धावा,  दिलीप वेंगसरकर 114 आणि संजय मांजरेकर यांनी 105 धावांच्या जोरावर 561 धावा केल्या.

राशिद पटेल-रमण यांच्यात दुलीप ट्रॉफी दरम्यान ही घटना घडली

 राशिद पटेल

29 जानेवारी रोजी सामन्याच्या शेवटच्या दिवशी उत्तर विभागाकडून रमण लांबा आणि अजय जडेजाने डावाची सुरुवात केली. वेस्टझोन गोलंदाज राशिद पटेल आणि रमण लांबा यांच्यात बरीच बाचाबाची झाली आणि स्लेजिंग शिगेला पोहोचली होती.

मग रशीद खेळपट्टीवर धावत आला, ज्यावर रमण लांबाने त्याला अडवले. यानंतर राशिद पटेलने गोलंदाजीने लांबाच्या डोक्यावर निशाणा साधण्याचा प्रयत्न केला. थोड्याच वेळात, रशीदने स्टम्प उचलून रमण लांबाला मारण्यासाठी पळत सुटला. या घटनेनंतर क्रिकेट बोर्डाने रशीदला 14 महिने आणि रमण लांबावर 10 महिन्यांसाठी बंदी घातली.

===

आमचे ईतर लेख वाचण्यासाठी क्लिक करा : फेसबुक |युट्यूब| Copyright© yuvakatta.com | All Rights Reserved.

हेही वाचा: या ३ सोप्या उपायांनी चेहऱ्यावरील पिंपल घालवा आणि मिळवा तेजस्वी चेहरा!

LEAVE A REPLY

Please enter your comment!
Please enter your name here