आमचे सर्व लेख व व्हिडिओ मिळवण्यासाठी फॉलो करा : फेसबुक|युट्यूब

===

जेलची हवा खाल्लेल्या या दिग्गज अष्टपैलू खेळाडूने इंग्लंडला पहिल्यांदा विश्वचषक मिळवून दिले होते!


सध्या जगातील सर्वोत्कृष्ट अष्टपैलू खेळाडूंपैकी असलेला इंग्लंडचा खेळाडू बेन स्टोक्सचा आज 30 वा वाढदिवस आहे. 2011 मध्ये इंग्लंडकडून पदार्पण करणारा खतरनाक अष्टपैलू खेळाडू पहिल्या दोन वर्षांत फारशी चांगली कामगिरी करू शकला नाही. पर्थ कसोटीतील 2013 अ‍ॅशेस मालिकेत प्रथमच आपले कौशल्य दाखवण्याची संधी मिळाली. पर्थमध्ये स्टोक्सने आपल्या कसोटी कारकिर्दीच्या चौथ्या डावात सहाव्या क्रमांकावर फलंदाजी केली. यानंतर तो मागे वळून पाहिले नाही.  स्टोक्स मैदानात जितका आक्रमक आहे तितका तो मैदानात चिडखोर म्हणून ओळखला जातो.

खेळाडू

इंग्लंड संघात सामील झाल्यानंतर पहिल्या काही वर्षांत बेन स्टोक्स गैरवर्तनमुळे अधिक चर्चेत होते. गेल्या दहा वर्षांत त्याला दोनदा अटकही झाली आहे. 2012 साली त्याला अटक करण्यात आली होती आणि नंतर पोलिसांनी समज देऊन  सोडले होते. 2013 मध्ये रात्री उशिरा दारू पिल्यामुळे त्याला इंग्लंड लायन्स दौर्‍यावरून घरी परत पाठविण्यात आले.

बेन स्टोक्सच्या या वागणुकीचा त्याच्या क्रिकेट कारकिर्दीवरही परिणाम झाला. पहिल्या चार वर्षांत बेन स्टोक्स केवळ एक शतक ठोकू शकले.  सन 2016 मध्ये टी -20 विश्वचषक हा स्टोक्सला वाईट स्वप्नासारखा होता. कॅरिबियन संघ 156 धावांचा पाठलाग करीत होता. अखेरच्या षटकात वेस्ट इंडीजला विजयासाठी 19 धावांची गरज होती. ब्रेथवेट आणि मार्लन सॅम्युएल्स क्रीजवर उपस्थित होते.

अखेरच्या षटकात गोलंदाजी  साठी बेन स्टोक्स आला आणि त्याच्या षटकातील पहिल्या चार चेंडूंवर ब्रॅथवेटने सतत चार षटकार ठोकत आपल्या संघाला जेतेपद दिले. बेन स्टोक्सच्या गोलंदाजीमुळे इंग्लंडच्या स्वप्नावर पाणी फेरले. याचं दु:ख त्याच्यासह इंग्लंडच्या संघाला देखील आहे. मात्र याची भरपाई त्याने 2019च्या विश्वचषकात करून दिली.

इंग्लंड

 

तथापि, सन 2016 मध्ये स्टोक्सने फलंदाज म्हणून वर्चस्व मिळविण्यास सुरुवात केली. त्याने दोन शतकांच्या मदतीने यावर्षी 12 कसोटी सामन्यांमध्ये 904 धावा केल्या. 13 एकदिवसीय सामन्यात एक शतक आणि चार अर्धशतकांच्या मदतीने 470 धावाही केल्या. पण पुढच्याच वर्षी 25 सप्टेंबर 2017 रोजी स्टोक्सला नाईटक्लबच्या बाहेर पोलिसांनी पकडल्याची बातमी आली. व्हायरल व्हिडिओमध्ये बेन स्टोक्स चार-पाच जणांना खूप मारहाण करताना दिसला.

इंग्लंड अॅन्ड वेल्स क्रिकेट बोर्डाने (ईसीबी) त्याला निलंबित केले. घटनेच्या वेळी स्टोक्ससमवेत असलेल्या अ‍ॅलेक्स हेल्सलाही निलंबित करण्यात आले होते. निलंबित झाल्यानंतर तो 2017-18 अ‍ॅशेस मालिका खेळू शकला नाही. एक बिघडलेला खेळाडू म्हणून त्यांचे नाव चर्चेत आले. या घटनेनंतर बेन स्टोक्सचे नाव जेव्हा जेव्हा चर्चेत आले तेव्हा ते फक्त चांगल्या कारणांमुळे होते.

पुनरागमनानंतर स्टोक्सने इंग्लंडला वर्ष 2019 मध्ये एकदिवसीय विश्वचषकात विजेतेपद जिंकून दिले. स्टोक्सने संपूर्ण स्पर्धेत चांगली फलंदाजी केली आणि स्पर्धेत 66.42 च्या सरासरीने 465 धावा केल्या. अंतिम सामन्यातही त्याने 84 धावांचा डाव खेळत संघाच्या आशा कायम राखल्या. त्याच्या खेळीमुळे इंग्लंड प्रथमच विश्वचषक जिंकण्यात यशस्वी झाला. याशिवाय त्याने या स्पर्धेत 7 बळी घेतले.

आयपीएलच्या लिलावात 2017 मध्ये बेन स्टोक्सला पुणे सुपरगिजंट्सने 14.5 कोटी रुपयांमध्ये खरेदी केले. सध्या तो राजस्थान रॉयल्स संघाकडून खेळत आहे. रॉयल्सने आयपीएलच्या लिलाव 2018 मध्ये स्टोक्सला 12.5 कोटी रुपयांना विकत घेतले. इतके पैसे खर्च करूनही याला आयपीएलमध्ये चमकदार कामगिरी कधीच करता आली नाही.

खेळाडू

2019 अ‍ॅशेस मालिकेत बेन स्टोक्स इंग्लंडचा सर्वात विश्वासार्ह खेळाडू म्हणून उदयास आला. तिसर्‍या कसोटीत इंग्लंडने स्टोक्सच्या नाबाद शतकी खेळीच्या (135) जोरावर एक विकेट राखून विजय मिळवत इतिहास घडवला. इंग्लंडने ऑस्ट्रेलियाला 359 धावांचे लक्ष्य 9 विकेट गमावून पूर्ण केले. त्याने आपल्या खेळीत 11 चौकार व 8 षटकार लगावले आणि कांगारुंकडून विजय खेचला.

त्याच्या पायात क्रॅम्प्स येत असतानाही तो एकाकी झुंज देत होता. त्याने हार मानली नाही. जेव्हा इंग्लंडचा फक्त एकच विकेट बाकी होता, तेव्हा या अष्टपैलूने तुफानी खेळ करत चौकार आणि षटकार ठोकले. शेवटचा फलंदाज जॅक लीचने त्याला उत्तम साथ दिली. शेवटच्या विकेटसाठी स्टोक्स आणि लीचने 76  धावांची भागीदारी केली ज्यामध्ये लीचने केवळ एका धावाचे योगदान दिले.

स्टोक्सने 10 शतकांच्या मदतीने 71 कसोटी सामन्यांमध्ये 4631 धावा केल्या आहेत.  याशिवाय त्याने 163 बळीही घेतले आहेत.  तर 98 एकदिवसीय सामन्यात त्याच्या नावावर 2817 धावा आणि 74 बळी आहेत. जेथे 34 टी 20 सामन्यात 442 धावा आणि 19 बळी घेतले आहेत.

===

आमचे ईतर लेख वाचण्यासाठी क्लिक करा : फेसबुक |युट्यूब| Copyright© yuvakatta.com | All Rights Reserved.

हेही वाचा.. अधर्माची साथ दिल्यामुळे या योद्ध्यांना मृत्यूला सामोरे जावे लागले होते.

LEAVE A REPLY

Please enter your comment!
Please enter your name here