आमचे सर्व लेख व व्हिडिओ मिळवण्यासाठी फॉलो करा : फेसबुक|इंस्टाग्राम| युट्यूब

==

विराट कोहलीला क्रिकेटचा पहिला धडा कोच राजकुमार शर्मा यांनी शिकवला होता…!


भारतीय क्रिकेट क्षेत्रात अनेक महान खेळाडू बनून गेले ज्यांनी प्रेक्षकांना पुरेपूर आनंद मिळवून दिला. ज्यात अनेक स्टार खेळाडू असे होते ज्यांच्या  परिवारातून कोणीही क्रिकेटर नव्हते  तरीसुद्धा ते स्वतःच्या मेहनतीच्या जोरावर स्टार बनले. क्रिकेट चाहत्यांनी त्यांना अक्षरशा डोक्यावर उचलून घेतले होते. आजही हे लोक कायम लोकांच्या मनावर राज्य करतात.

अश्याच क्रिकेटपटूमधील एक असलेला भारताचा सध्याचा कर्णधार विराट कोहली ज्याचा आज वाढदिवस. विराट कोहली हे क्रिकेट विश्वातील असे एक नाव आहे ज्याने जागतिक स्तरावर देशाचे आणि भारतीय क्रिकेटचे नाव रोशन केले आहे. विराटचा जन्म 5 नोव्हेंबर 1988 रोजी सामान्य श्रेणीतील पंजाबी कुटुंबात झाला, विराटचे वडील प्रेम कोहली फौजदारी वकील होते तर आई सरोज कोहली गृहिणी होत्या.

विराट आज भारतीय क्रिकेट संघाचा कर्णधार आहे, पण तो जणू लहानपणापासूनच क्रिकेटसाठी बनला होता वयाच्या अवघ्या 3 व्या वर्षी त्याने बॅट हातात घ्यायला सुरुवात केली. विराट त्याच्या कुटुंबात सर्वात लहान होता त्याला एक मोठा भाऊ आणि बहीण आहे.

विराट कोहली

new google

अनेक मुले लहान वयातच चालायला शिकतात विराटने वडिलांच्या गोलंदाजीवर फलंदाजी करणे सुरूच ठेवले तो 9 वर्षांचा होता तोपर्यंत त्याच्या वडिलांनी त्याला शेजाऱ्यांच्या सल्ल्यानुसार दिल्ली क्रिकेट अकाडमीत दाखल केले जेणेकरून विराट बाहेर येऊन आपला खेळ सुधारू शकेल. विराटने तेव्हा पहिल्यांदाच एखाद्या व्यावसायिक क्रिकेटरप्रमाणे रस्त्यावर खेळायला सुरुवात केली. राजकुमार शर्मा हे विराटची प्रतिभा ओळखणारे आणि त्यात सुधारणा करणारे पहिले प्रशिक्षक झाल्यानंतर विराट 2002-2003 दरम्यान दिल्ली अंडर-15 संघाचा भाग बनला आणि त्याच्या कामगिरीमुळे त्याला कर्णधारही बनवण्यात आले.

विराटसाठी त्याचे वडील एक सपोर्ट सिस्टम होते ज्यांनी त्याला नेहमीच प्रेरणा दिली परंतु 2006 मध्ये त्याच्या वडिलांचे हृदयविकारामुळे निधन झाले. घराच्या जबाबदाऱ्या आणि घराचं भाडं कुटुंबावर ओझं बनलं पण हे संकटही विराटला थोपवू शकले नाहीत आणि त्याची यावर्षी भारताच्या अंडर-19 संघात निवड झाली आणि 2008 मध्ये त्याला या संघाचा कर्णधार बनवण्यात आलं. कर्णधार बनून त्याने आपल्या संघाचे नेतृत्व केलेआणि विजयही मिळवला. त्याच्या शानदार खेळी आणि कठोर परिश्रमाने विराट 2008 मध्ये भारतीय राष्ट्रीय क्रिकेट संघाचा भाग बनला आणि 2011 च्या विश्वचषकासह अनेक महत्त्वाच्या सामन्यांचा भाग बनला.

आपल्या या शानदार खेळीच्या बळावर विराट जगातील सर्वोत्तम फलंदाज म्हणून उदयास आला आहे त्याच्या क्षमतेच्या जोरावर विराट त्याच्या धावांच्या लक्ष्यासह सचिन तेंडुलकरच्या विक्रमांच्या जवळ आहे. आणि 2013 पासून भारतीय क्रिकेट संघाचा कर्णधार आहे. विराटने आपल्या आयुष्यात खूप मोठा पल्ला गाठला आहे आणि आज तो अनेक क्रिकेटप्रेमींसाठी प्रेरणा बनला आहे.


====

आमचे ईतर लेख वाचण्यासाठी क्लिक करा : फेसबुक |युट्यूब| Copyright© yuvakatta.com | All Rights Reserved.

हेही वाचा.. अधर्माची साथ दिल्यामुळे या योद्ध्यांना मृत्यूला सामोरे जावे लागले होते

व्हिडीओ प्लेलीस्ट:

 

LEAVE A REPLY

Please enter your comment!
Please enter your name here