आमचे सर्व लेख व व्हिडिओ मिळवण्यासाठी फॉलो करा : फेसबुक|इंस्टाग्राम|युट्यूब

===

बॉलीवूड मध्ये महिलांना संधी निर्माण करून पहिली माहिला दिग्दर्शक फातिमा बेगम झाली होती..


आज भारतीय सिनेविश्वात जिथे पुरुषांचे वर्चस्व आहे. त्याच वेळी, स्त्रिया देखील त्यांना समान स्पर्धा देत आहेत, मग ते अभिनयाच्या बाबतीत असो किंवा दिग्दर्शन, पटकथा लेखक इत्यादी बॉलीवूडशी संबंधित काम असो. पण, एक काळ असा होता की, सिनेविश्वात अभिनेत्रींशिवाय इतर कामांमध्ये महिलांचा सहभाग नगण्य होता. अशा स्थितीत फातिमा बेगम ( fatima begum) यांनी हा गैरसमज मोडला. आणि त्यांनी भारतीय चित्रपटसृष्टीत आपले अमूल्य योगदान दिले.

चित्रपटांमध्ये अभिनयासोबतच त्यांनी दिग्दर्शक आणि लेखक म्हणूनही आपली कुवत दाखवून दिली. तिच्या प्रवेशानंतर, चित्रपटसृष्टीचे मार्ग इतर महिलांसाठीही सहज खुले झाले.

Fatima Begum - Indian cinema's... - Timeless Indian Melodies | Facebook

अशा परिस्थितीत बॉलिवूडची प्रसिद्ध नायिका आणि दिग्दर्शिका फातिमा बेगम यांच्या आयुष्याशी परिचित होणे आपल्यासाठी फारच मनोरंजक असेल.

 

फातिमा बेगम (fatima begum) यांचा जन्म 1892 मध्ये एका मुस्लिम कुटुंबात झाला. फातिमाला भारतीय चित्रपटसृष्टीत करिअर करायचे होते.त्यांनी सुरुवातीला उर्दू मंचांवरून आपली क्षमता दाखवली. फातिमाचे हे स्वप्न सोपे नव्हते, कारण त्यावेळी बॉलीवूड इंडस्ट्रीतील महिला केवळ अभिनेत्री म्हणून आपले करिअर करू शकत होत्या. याशिवाय इतर कामांमध्ये पुरुषांचेच वर्चस्व होते.पण, फातिमा हिम्मत हारली नाही.

फातिमा बेगम

तिच्या कौटुंबिक जीवनाबद्दल सांगायचे तर, तिचे लग्न नवाब इब्राहिम मोहम्मद याकूत खान तिसरे यांच्याशी झाले होते.

ड्रामा प्लॅटफॉर्मवरून करिअरची सुरुवात करणारी फातिमा लवकरच प्रसिद्धीच्या झोतात आली. त्यानंतर 1922 मध्ये त्यांनी ‘वीर अभिमन्यू’ या चित्रपटाद्वारे भारतीय चित्रपटसृष्टीत प्रवेश केला. अर्देशीर इराणी त्यांच्या मूकपटाचे निर्माते होते.
यासह तिने बॉलिवूडची पहिली महिला दिग्दर्शिका म्हणून इतिहासात आपले नाव नोंदवले.

यानंतर त्यांनी 1924 मध्ये सीता सरदावा, पृथ्वी बल्लभ, काला नाग आणि गुल-ए-बकवाली यांसारख्या चित्रपटांमध्ये काम केले. 1925 मध्ये त्यांनी ‘मुंबई नी मोहनी’ मध्येही आपल्या अभिनयाचा प्रसार केला.


हेही वाचा:

पंजाब किंग्जचा फलंदाज निकोलस पुरनच्या नावावर ‘या’ लाजिरवाण्या विक्रमाची झाली नोंद…

लोकप्रियतेत शाहरुख खानला टक्कर देतोय हा दाक्षिणात्य हिरो:  पायलट म्हणून करतोय काम.

या 3 भारतीय खेळाडूंनी आतापर्यंत विश्व चषक स्पर्धेतील ‘गोल्डन बॅट’ जिंकलीय..!

…………………………………………………………………………………


पुढे त्यांनी 1926 मध्ये स्वतःची फिल्म कंपनी सुरू केली. या कंपनीचे नाव होते फातिमा फिल्म्स. दोन वर्षांनंतर 1928 मध्ये फातिमाने या कंपनीचे नाव बदलून ‘व्हिक्टोरिया फातिमा फिल्म्स’ केले.
कंपनी स्थापन केल्यानंतर त्यांनी तीन वर्षांच्या कालावधीत सलग 7 चित्रपट दिग्दर्शित केले.

त्यापैकी बुलबुल-ए-पारिस्तान हा त्यांनी दिग्दर्शित केलेला सर्वात प्रसिद्ध चित्रपट ठरला. येथून त्यांच्या कारकिर्दीला उड्डाण मिळाले. यानंतर त्यांनी भारतीय सिनेविश्वात एक वेगळी ओळख निर्माण केली.

चित्रपटसृष्टिस आपले चौफेर आणि बहुमूल्य योगदान दिल्यावर आणि बॉलिवूडला अलविदा केल्यानंतर फातिमाचा वारसा तिच्या मुलींनी सांभाळला.पुढे 1983 मध्ये वयाच्या 90 व्या वर्षी फातिमा बेगम यांनी या जगाचा निरोप घेतला आणि त्यांचं निधन झालं. अशा प्रकारे भारतातील एका शक्तिशाली आणि कार्यकुशल स्त्रीची जीवनयात्रा थांबली.

आज भारतीय सिनेविश्वात जिथे पुरुषांचे वर्चस्व आहे. त्याच वेळी, स्त्रिया देखील त्यांना समान स्पर्धा देत आहेत, मग ते अभिनयाच्या बाबतीत असो किंवा दिग्दर्शन, पटकथा लेखक इत्यादी बॉलीवूडशी संबंधित काम असो.
पण, एक काळ असा होता की, सिनेविश्वात अभिनेत्रींशिवाय इतर कामांमध्ये महिलांचा सहभाग नगण्य होता. अशा स्थितीत फातिमा बेगम यांनी हा गैरसमज मोडला. आणि त्यांनी भारतीय चित्रपटसृष्टीत आपले अमूल्य योगदान दिले.

चित्रपटांमध्ये अभिनयासोबतच त्यांनी दिग्दर्शक आणि लेखक म्हणूनही आपली कुवत दाखवून दिली. तिच्या प्रवेशानंतर, चित्रपटसृष्टीचे मार्ग इतर महिलांसाठीही सहज खुले झाले.आज फातिमा बेगम यांना भारतीय चित्रपटसृष्टीतील पहिल्या महिला दिग्दर्शिका म्हणून नेहमीच स्मरण केले जाते.


===

आमचे ईतर लेख वाचण्यासाठी क्लिक करा : फेसबुक |युट्यूब| Copyright© yuvakatta.com | All Rights Reserved

हेही वाचा: जगाला सुगंधित करणाऱ्या परफ्यूमचा इतिहास सुद्धा तेवढाच सुगंधित करणारा आहे..!

या मुलीने गाढवाच्या दुधापासून सुरु केलेला हा व्यवसाय आज जगभरात प्रसिद्ध आहे…!

LEAVE A REPLY

Please enter your comment!
Please enter your name here