Ajit Agarkar on Virat-Rohit Future in Team India: भारत आणि ऑस्ट्रेलिया (IND vs AUS) रविवार, १९ ऑक्टोबरपासून तीन सामन्यांची एकदिवसीय मालिका खेळणार आहेत. ही मालिका दिगाज खेळाडू रोहित शर्मा (Rohit Sharma) आणि विराट कोहली (Virat Kohli) यांच्या भविष्याशी जोडली जात आहे .
असे म्हटले जात आहे की, ही मालिका त्यांची शेवटची असू शकते. मात्र आता टीम इंडियाचे मुख्य निवडकर्ते अजित आगरकर (Ajit Aagarkar) यांनी यावर स्पष्ट विधान करत विराट आणी रोहितच्या चाहत्यांना एक आनंदाची बातमी दिली आहे.
विराट-रोहितच्या विश्वचषक खेळण्यावर काय म्हणाले अजित आगरकर?
निवड समितीचे अध्यक्ष अजित आगरकर यांनी शुक्रवारी म्हटले की,
वरिष्ठ भारतीय फलंदाज विराट कोहली आणि रोहित शर्मा यांचे “मूल्यांकन” केले जाईल, परंतु प्रत्येक सामन्यात त्यांना आजमावणे “मूर्खपणाचे” ठरेल. रोहित आणि कोहली सात महिन्यांनंतर ऑस्ट्रेलियाविरुद्धच्या सामन्याने आंतरराष्ट्रीय क्रिकेटमध्ये पुनरागमन करण्याच्या जवळ आहेत आणि असा अंदाज आहे की दक्षिण आफ्रिका, झिम्बाब्वे आणि नामिबिया येथे होणाऱ्या २०२७ च्या विश्वचषकापूर्वी प्रत्येक मालिकेत या दोन्ही माजी कर्णधारांच्या कामगिरीचा आढावा घेतला जाईल.
रोहित आणि विराटचे स्थान धोक्यात नाही मात्र त्यांना लय पडकून ठेवावी लागेल. आगरकर
T-20 Sports ला दिलेल्या मुलाखती मध्ये आगरकर म्हणाले की,
प्रत्येक सामन्यात त्यांना आजमावणे मूर्खपणाचे ठरेल. एकदा ते खेळायला सुरुवात करतील तेव्हा त्यांचे आजमावण्यात येईल, परंतु त्यांची जागा धोक्यात नाही. शुभमन गिलची एकदिवसीय संघाचा कर्णधार म्हणून घोषणा झाल्यानंतर काही आठवड्यांपूर्वी अहमदाबादमध्ये आपल्या विधानाचा पुनरुच्चार करताना, आगरकरने पुन्हा एकदा या स्पर्धेसाठी संघ निवडीबाबत कोणतीही वचनबद्धता टाळली, जी अद्याप दोन वर्षे दूर आहे. याचा अर्थ असा नाही की, जर त्यांनी ऑस्ट्रेलियामध्ये धावा केल्या नाहीत तर त्यांना संघातून वगळण्यात येईल आणि त्याचप्रमाणे, जर त्यांनी ऑस्ट्रेलियामध्ये तीन शतके केली तर त्यांना २०२७ च्या विश्वचषकासाठी निवडले जाईल.
कसोटी क्रिकेट सोडण्याचा निर्णय सर्वस्वी रोहित आणि कोहलीचा होता- आगरकर
पुढे बोलतांना अगरकरने असेही स्पष्ट केले की,
कोहली आणि रोहितने कसोटी क्रिकेट सोडण्याचा निर्णय स्वतः घेतला आणि निवड समिती त्यांच्या अनुभवावर समाधानी आहे. ते म्हणाले, जर आम्हाला अनुभवाची आवश्यकता असेल तर ते इंग्लंड असेल, दोघेही उत्तम खेळाडू आहेत आणि त्यांनी आमच्याशी संपर्क साधला आणि एकदा त्यांनी निर्णय घेतला की तुम्ही त्यांच्या निर्णयाचा आदर केला पाहिजे.
