Ashes 2025: ऑस्ट्रेलिया आणि इंग्लंड (AUS vs ENG)) यांच्यातील अॅशेस कसोटी मालिकेतील पहिला सामना २१ नोव्हेंबरपासून पर्थमधील ऑप्टस स्टेडियमवर खेळला जाईल. यावेळी ऑस्ट्रेलिया संपूर्ण अॅशेस मालिकेचे आयोजन करत आहे आणि दोन्ही संघांमध्ये रोमांचक लढाई अपेक्षित आहे.
Ashesh 2025: पहिल्याच कसोटीमध्ये मिचेल स्टार्क रचणार इतिहास!
पहिल्या कसोटीत, ऑस्ट्रेलियन वेगवान गोलंदाज मिचेल स्टार्कला वर्ल्ड टेस्ट चॅम्पियनशिप (WTC) मध्ये एका विशिष्ट यादीत वर जाण्याची सुवर्णसंधी असेल. स्टार्क नेहमीच कसोटी क्रिकेटमध्ये उत्कृष्ट राहिला आहे आणि आतापर्यंत त्याने WTC मध्ये १९१ बळी घेतले आहेत.
भारताचा रविचंद्रन अश्विन सध्या WTC मध्ये आघाडीच्या विकेट घेणाऱ्या गोलंदाजांच्या यादीत तिसऱ्या स्थानावर आहे. अश्विनने ४१ सामन्यांमध्ये १९५ बळी घेतले आहेत. स्टार्क १९१ बळींसह चौथ्या स्थानावर आहे. जर स्टार्कने पर्थ कसोटीत पाच बळी घेतले तर तो अश्विनला मागे टाकून तिसऱ्या स्थानावर जाईल.
ऑस्ट्रेलियाचा फिरकी गोलंदाज नॅथन लिऑन ५३ सामन्यांमध्ये २१९ बळी घेत विश्वचषकात सर्वाधिक बळी घेणाऱ्या गोलंदाजांच्या यादीत अव्वल स्थानावर आहे. दुसऱ्या क्रमांकावर ऑस्ट्रेलियाचा पॅट कमिन्स आहे, ज्याने ५१ कसोटी सामन्यांमध्ये २१५ बळी घेतले आहेत.
Ashesh 2025: ऑस्ट्रेलियाला दोन प्रमुख खेळाडूंच्या दुखापतींचा फटका!
ऑस्ट्रेलियाने पर्थ कसोटीसाठी आधीच आपला संघ जाहीर केला होता. तथापि, पॅट कमिन्स आणि जोश हेझलवूड यांच्या दुखापतींमुळे संघाला मोठा धक्का बसला आहे. दोन्ही अनुभवी वेगवान गोलंदाज पहिल्या कसोटीसाठी उपलब्ध नसतील. परिणामी, संघाचे नेतृत्व स्टीव्ह स्मिथ करेल.
हेही वाचा:
IPL 2026 :संजू की ऋतुराज कोण असणार CSK चा कर्णधार? अखेर चेन्नईच्या मालकाने केली अधिकृत घोषणा..!
3 thoughts on “Ashes 2025: मिचेल स्टार्क तोडणार रवी अश्विनचा मोठा विक्रम, पहिल्याच कसोटीमध्ये रचणार इतिहास ?”