Apoorva Mukhija Leaves India: सोशल मीडिया विश्वात ‘रेबेल किड (Rebel Kid)’ म्हणून ओळखली जाणारी कंटेंट क्रिएटर अपूर्वा मुखीजा ( Apoorva Mukhija) पुन्हा एकदा चर्चेत आली आहे. सतत होणारे ट्रोलिंग, वाद आणि ‘कॅन्सल कल्चर’ला कंटाळून अपूर्वाने भारत सोडला असून ती आता अमेरिकेतील न्यूयॉर्क शहरात स्थायिक झाली आहे.
अलीकडेच ‘अनट्रिगर बाय अमीनजॅझ’ या पॉडकास्टमध्ये अपूर्वाने तिच्या आयुष्यातील या मोठ्या बदलाविषयी मनमोकळेपणाने सांगितले आणि हे पाऊल उचलण्यामागे काय कारण होते हे स्पष्ट केले. पॉडकास्ट दरम्यान, अपूर्वाने कबूल केले की सोशल मीडियावर वारंवार ‘कॅन्सल’ केले जाणे आणि त्यानंतर पुन्हा त्याच परिस्थितीत परतले जाणे, या अंतहीन चक्रामुळे ती पूर्णपणे थकून गेली आहे.
Apoorva Mukhija Leaves India: नक्की का भारत सोडून गेली अपूर्वा मुखीजा?
ती म्हणाली की, ती तिच्या ब्लॉग्स आणि व्हिडिओंमध्ये बोलण्यापूर्वी स्वतःला आवर घालण्याचा प्रयत्न करते, पण तरीही लोक तिच्यावर का चिडतात आणि तिला ‘कॅन्सल’ का करतात हे तिला समजत नाही. अपूर्वाने हे देखील कबूल केले की ‘कॅन्सल’ केले जाण्याचा तिच्या व्यवसायावर आणि कमाईवर थेट परिणाम होतो.
अपूर्वाने स्पष्टपणे सांगितले,
“जेव्हा तुम्हाला काही आठवड्यांसाठी जरी ‘कॅन्सल’ केले जाते, तेव्हा ब्रँड डील्स थांबतात आणि पैशांचा ओघही थांबतो. मला पैसे कमवायला आवडतात आणि ‘कॅन्सल कल्चर’ची सर्वात वाईट गोष्ट ही आहे की त्यामुळे आर्थिक नुकसान होते.”
तिने भारताबाहेर राहण्यासाठी न्यूयॉर्कची निवड का केली?
जेव्हा अपूर्वाला विचारण्यात आले की ती वादांपासून दूर पळून परदेशात जात आहे का, तेव्हा तिने स्पष्ट केले की न्यूयॉर्कला जाणे हे तिचे नेहमीच स्वप्न होते. ती म्हणाली,
“मी खूप प्रवास केला आहे, पण जेव्हा मी पहिल्यांदा न्यूयॉर्कमध्ये आले, तेव्हा मला वाटले की मला इथेच राहावेसे वाटते. मला या शहराची जीवनशैली, येथील लोकांची वेशभूषा, खाद्यपदार्थ आणि वास्तुकला खूप आवडते. मी न्यूयॉर्कला नेहमीच माझ्या आवडत्या वेब सिरीजमध्ये पाहिले आहे.”
View this post on Instagram
अपूर्वाने सांगितले की तिने न्यूयॉर्कमधील फक्त एकाच कॉलेजमध्ये एमबीएसाठी अर्ज केला होता आणि सुदैवाने तिला प्रवेश मिळाला. आता, ती भारतातील तिचा सेलिब्रिटी आणि क्रिएटरचा दर्जा सोडून न्यूयॉर्कमधील एका हॉस्टेलमध्ये राहणार आहे आणि पुन्हा आपले विद्यार्थी जीवन सुरू करणार आहे.
हेही वाचा:
