IPL 2026: आयपीएल 2026 ( IPL 2026) आता रोमांचक वळणावर आलेले आहे. जवळपास सर्वच संघांनी आपले 2/3 सामने खेळून गुणतालिकेत मध्ये अव्वल स्थान पटकावण्यासाठी प्रयत्न सुरु केले आहेत. काल मुंबई इंडियन्सविरुद्धच्या सामन्यात, आरसीबीचा सुपरस्टार विराट कोहली (Virat Kohli) ने फलंदाजी करताना एक शानदार अर्धशतक झळकावले; परंतु दुखापतीमुळे तो गोलंदाजी किंवा क्षेत्ररक्षणासाठी मैदानात उतरला नाही.
कोहलीची ही दुखापत आरसीबीसाठी एक मोठी चिंतेची बाब ठरू शकते. कोहलीच्या उपस्थितीमुळे संघाची ताकद लक्षणीयरीत्या वाढलेली दिसते. परिणामी, दुखापतीमुळे कोहलीला आज (१५ एप्रिल )रोजी लखनौ सुपर जायंट्सविरुद्ध (lsg) होणाऱ्या आगामी सामन्यातून बाहेर बसावे लागण्याची शक्यता आहे. वाचा स्पेशल रिपोर्ट ..!
( IPL 2026) LSG विरुद्धच्या सामन्यातून विराट कोहली बाहेर, संघाची वाढली चिंता.
मुंबईविरुद्धच्या सामन्यानंतर, विराट कोहली आज सरावासाठी मैदानात उतरला. यामुळे चाहत्यांना असे वाटू लागले की, पुढील सामन्यात कोहली पुन्हा खेळताना दिसू शकेल. मात्र, अलीकडील काही व्हिडिओ पाहता परिस्थिती वेगळीच असल्याचे दिसून येते. सरावाच्या सत्रादरम्यानही कोहलीच्या हातावर पट्टी (बँडेज) बांधलेली दिसून आली.
काही वृत्तांनुसार, ‘विराट’ ज्या पद्धतीने सराव करत होता, त्यावरून तो अद्याप पूर्णपणे तंदुरुस्त नसल्याचे संकेत मिळतात. ही परिस्थिती पाहता, आरसीबीचे व्यवस्थापन आपल्या या प्रमुख खेळाडूच्या तंदुरुस्तीबाबत कोणताही धोका पत्करण्यास कदाचित तयार नसेल. कर्णधार रजत पाटीदारलाही ‘किंग कोहली’ने पूर्णपणे सावरल्यानंतरच पुन्हा मैदानात परतावे, असे वाटत असेल. खुद्द कोहलीही सध्या आपल्या दुखापतीला अत्यंत गांभीर्याने घेत असल्याचे दिसून येते.
आरसीबीचा सामना आज लखनौ सुपर जायंट्सविरुद्ध रंगणार.
रॉयल चॅलेंजर्स बंगळुरू (RCB) संघ १५ एप्रिल रोजी आपल्या घरच्या मैदानावर, म्हणजेच एम. चिन्नास्वामी स्टेडियमवर लखनौ सुपर जायंट्सविरुद्ध सामना खेळणार आहे. परंतु आतापर्यंतचे अपडेट पाहता विराट कोहली आजूनही फीट नसल्याचे बोलले जात आहे. त्यामुळे विराट आजचा सामना खेळणार नाही. हे जवळपास निच्छित आहे. विराट प्लेईंग 11 मधून बाहेर झाल्यास त्याच्या जागी व्यंकटेश अय्यरला खेळण्याची संधी दिली जाऊ शकते. रा
जस्थान रॉयल्सविरुद्धच्या सामन्यात अय्यरला ‘इम्पॅक्ट प्लेयर’ म्हणून संघात समाविष्ट करण्यात आले होते, जिथे त्याने अत्यंत प्रभावी फलंदाजी केली होती. त्यामुळे, आपली गुणवत्ता सिद्ध करण्याची त्याला आणखी एक संधी मिळण्याची शक्यता आहे. मात्र, कोहली लवकरच संघात पुनरागमन करेल, अशी अपेक्षा व्यक्त केली जात आहे. आरसीबीचा पुढील सामना 3 दिवसांनी आहे त्यामुळे विराट कोहलीला फीट होण्यासाठी पुरेसा वेळ मिळेल.
हेही वाचा: